Við vinnum fyrir þig

Translate to

Fjöldi sveitarfélaga hefur hækkað verð í sund

Verðlagseftirlit ASÍ kannaði verðbreytingar á gjaldskrám sundstaða hjá 15 stærstu sveitarfélögum landsins frá 1. janúar 2013. til 1. janúar 2014.  Sjö sveitarfélög af þeim fimmtán sem skoðuð voru hafa hækkað gjaldið á stökum miða í sund fyrir fullorðna. Árskort fullorðinna hefur einnig hækkað í verði hjá 7 sveitarfélögum af 15. Sveitarfélagið Árborg er eitt af þeim sveitarfélögum sem hefur hækkað verð á stökum miða og árskortum fullorðinna.
 
 
Gjaldskrá fullorðinna
Stakt gjald í sund kostar nú 527 kr. þegar tekið er meðalverð 15 stærstu sveitarfélaganna. Sjö sveitarfélög hafa hækkað gjaldið á stakri sundferð milli ára. Mesta hækkunin er 20% hjá Fjarðabyggð eða úr 500 kr. í 600 kr. Minnsta hækkunin er 4% hjá Ísafjarðarbæ eða úr 530 kr. í 550 kr. og um 4% hjá Mosfellsbæ úr 550 kr. í 570 kr. Eins og sést á töflunni hér fyrir neðan er lægsta staka gjaldið 400 kr. hjá Reykjanesbæ og Akraneskaupstað en hæsta staka gjaldið 600 kr. hjá Reykjavíkurborg, Fjarðarbyggð og Sveitarfélaginu Árborg.
 
 

Sjá frétt á heimasíðu ASÍ