Halldóra Sigríður Sveinsdóttir formaður Bárunnar, stéttarfélags  og Gils Einarsson varaformaður Verslunarmannafélags Suðurlands heimsóttu fjölmörg fyrirtæki í uppsveitum Árnessýslu í gær. Nú er framundan aðal ferðamannatímabilið og fjöldinn allur af skólafólki á leið í sumarvinnu. Tilgangurinn með átakinu er að styrkja tengsl við félagsmenn í fyrirtækjum fyrir aðal vertíðina sem er framundan. Heimsótt voru framleiðslu- og … Lesa meira →

Ein stærstu verkalýðssamtök Evrópu voru formlega stofnuð í dag en þau ná til verkafólks í iðnaði um alla álfuna. Samtökin hafa hlotið nafnið Industry all og eru Starfsgreinasambandið, VM og Samiðn meðal stofnaðila þess. Industry all verður til við samruna þriggja eldri félaga og mun það hafa 7 milljón verkamenn í iðnaði innan sinna vébanda … Lesa meira →

Nú er orlofstímabilið hafið og margir farnir að huga að sumarfríinu. Þess má geta að allt launafólk á rétt á orlofi og orlofslaunum skv. orlofslögum. Orlofsrétturinn skiptist annars vegar í rétt til leyfis frá störfum og rétt til launa á þeim tíma.

Ástæða er til að vera á varðbergi gagnvart því að fólk fái greitt eftir þeim samningum sem í gildi eru.Stéttarfélögin á Suðurlandi hafa fengið mörg mál til meðferðar sem fjalla um meintar vanefndir á kjarasamningum. Flest þessi mál sem varða unga fólkið snúast um svokallað jafnaðarkaup og verktakavinnu.  

Í Dagskránni, fréttablaði Suðurlands 11. október  birtist grein eftir Halldóru Sigríður Sveinsdóttur formann Bárunnar, stéttarfélags. Í greininni fór Halldóra yfir stöðu atvinnumála á Suðurlandi og kynnti ályktun sem samþykkt var á stjórnarfundi Bárunnar 3. maí sl. Þar var samþykkt að skora á sveitarstjórnarmenn og þingmenn Suðurlands að taka höndum saman og vinna stórskipahöfn í Þorlákshöfn brautargengi.

Í gærkvöldi var á sjónvarpsstöðinni N4 viðtal við Hjalta Tómasson starfsmann Þjónustuskrifstofu stéttarfélaganna á Suðurlandi um verslun á Suðurlandi. Í viðtalinu hvatti Hjalti fólk til að versla í heimabyggð og rifjaði upp gamla sunnlenska slagorðið „styttum leiðina, spörum heiðina og verslum í heimabyggð“.

Á þingi Starfsgreinasambands Íslands sem lauk fyrr í dag voru samþykkt ný lög sambandsins þar sem umtalsverðar breytingar eru gerðar á stjórnskipulagi, hlutverki og starfsemi sambandsins. Að auk voru samþykktar fjórar nýjar reglugerðir sem er ætlað að styrkja starfsemina, efla upplýsingamiðlun SGS og skilgreina verkaskiptingu milli aðildarfélaganna og sambandsins.

Í morgun hófst framhaldsþing Starfsgreinasamband Íslands á Hótel Reykjavík Natura (áður Hótel Loftleiðir). Þingið, sem er undir kjörorðinu „Horft til framtíðar“, hófst kl. 10:00 með ávarpi Björns Snæbjörnssonar, formanns sambandsins.

Báran, stéttarfélag og Verslunarmannafélag Suðurlands hafa sent yfir eitt þúsund fyrirtækjum og stofnunum á félagssvæðum sínum bréf þar sem vakin er athygli á réttri stéttarfélagsaðild starfsfólks.    Rétt stéttarfélagsaðild er mikilvæg fyrir launafólk . Nokkuð ber á því að atvinnurekendur séu ekki að greiða iðgjöld til réttra stéttafélaga. Þetta veldur fyrst og fremst launamönnum vandræðum og … Lesa meira →

  Báran stéttarfélag hefur samið við Edduhótel og Fosshótel um afsláttarkjör fyrir félagsmenn. Hótelin gefa út gistimiða sem eru til sölu á Þjónustuskrifstofu stéttarfélaganna. Edduhótelin eru opin yfir sumartímann og mörg Fosshótel eru opin allt árið.